[:IS]
Ég býð mig hér með fram til stjórnarsetu í Samtökum ferðaþjónustunnar.
Ég hef áhuga og metnað til að takast á við verkefnin sem að stjórn SAF stendur frammi fyrir enda mikil gróska í ferðþjónustunni en ekki síður miklar áskoranir framundan.
Ég stunda nú diplómanám við Háskóla Íslands „Góðir stjórnarhættir – Viðurkenndir stjórnarmenn“ og mun ljúka því námi í lok mars á þessu ári.
Fyrir tveimur árum hóf ég störf sem framkvæmdastjóri TREX ehf. og var þá að koma ný inn í ferðaþjónustugeirann. Mér finnst þessi geiri mjög áhugaverður en jafnframt krefjandi.
Ég hef alla tíð haft mikinn áhuga á félagsstörfum og verið mjög virk á þeim vettvangi. Síðastliðin ár hef ég verið sóknarnefndarformaður í Langholtskirkju, þar er umfangsmikið tónlistarstarf og mjög öflugt barnastarf. Langholtskirkja hefur glímt við mikinn fjárhagsvanda og hefur það verið mitt helsta verkefni að endurskipuleggja allan rekstur ásamt því að fara í stefnumótun vaðandi áherslur í safnaðarstarfi og starfseminni yfirleitt.
Á árunum 2001 – 2010 sat ég í framkvæmdastjórn Icepharma ehf. en á þeim tíma var ég framkvæmdastjóri neytendavörusviðs fyrirtækisins.
Ég er ein af stofnendum Félags íslenskra tannfræðinga og sat þar í stjórn til ársins 1995 og þar af formaður í tvö ár.[:]
